تورغر: تحصیل جدباء کے علاقے چیر میں ٹریکٹر کا افسوسناک حادثہ، چار افراد جاں بحق جبکہ ڈرائیور شدید زخمی ہو گیا۔
تورغر کے ضلعی ہیڈکوارٹر جدباء کے بالائی علاقے "چیر” میں ایک افسوسناک حادثہ پیش آیا، جہاں ٹریکٹر گاڑی ضلعی ہیڈکوارٹر جدباء سے گاؤں چیر جا رہی تھی چیر کے قریب ڈرائیور سے بے قابو ہو کر گہری کھائی میں جاگری۔ حادثے کے نتیجے میں چار افراد موقع پر جاں بحق ہوگئے، جن میں دو خواتین اور دو مرد شامل ہیں۔ جاں بحق افراد میں ایک بچی، ایک بڑی عمر کی خاتون، ایک بچہ اور ایک مرد شامل ہیں۔
حادثے کی اطلاع ملتے ہی ڈپٹی کمشنر تورغر محترم صفدر اعظم قریشی، اسسٹنٹ کمشنر ریونیو فرید شاہ، ڈی ایس پی ہیڈکوارٹر جدباء بمعہ نفری، لیویز فورس، ریسکیو 1122 اور بڑی تعداد میں مقامی لوگ موقع پر پہنچ گئے۔
زخمی ڈرائیور کو فوری طور پر ابتدائی طبی امداد کے لیے بی ایچ یو جدباء منتقل کیا گیا، جہاں سے حالت نازک ہونے پر اسے بٹگرام ریفر کردیا گیا۔
