حکومت سازی کا معاملہ،پاکستان مسلم لیگ ن اور پاکستان پیپلز پارٹی کے درمیان کامعاملات کو حتمی شکل دینے کیلئے آج دوبارہ بیٹھک ہو گی۔
مسلم لیگ ن اور پیپلز پارٹی کی کوآرڈی نیشن کمیٹی کا اجلاس آج پھر ہو گا۔ گزشتہ اجلاس میں دونوں اطراف سے دی گئی تجاویز پر تفصیلی گفتگو ہوئی تھی۔ کمیٹی اراکین نے اتفاق کیا کہ مضبوط جمہوری حکومت ہی مستحکم پاکستان کی ضمانت ہے۔گزشتہ روز ہونے والے اجلاس میں دونوں جماعتوں نے معاملات کو حتمی شکل دینے کے لیے آج دوبارہ بیٹھنے کا فیصلہ کیا ہے۔ ن لیگ کی نمائندگی سینیٹر اسحاق ڈار، سردار ایاز صادق، سینیٹر اعظم نذیر تارڑ اور ملک محمد احمد خان نے کی جبکہ پیپلز پارٹی وفد مراد علی شاہ، قمر زمان کائرہ، سعید غنی، ندیم افضل چن، نواب ثنا اللہ زہری، شجاع خان اور سردار بہادر خان پر مشتمل تھا۔
دوسری جانب میاں نواز شریف کی رواں ہفتے سابق صدر آصف علی زرداری سے ملاقات کابھی امکان ہے۔لیگی قائد میاں نواز شریف اسلام آباد سے مری کیلئے روانہ ہوگئے ۔نوازشریف تقریبا کا مری میںایک ہفتے تک قیام متوقع ہے۔لیگی ذرائع کا کہنا ہے کہ اسلام آباد اور مری میں قیام کے دوران نواز شریف کی آصف علی زرداری سے ملاقات کا امکان ہے۔ نواز شریف کی دیگر سیاسی جماعتوں کے سربراہوں سے بھی ملاقاتیں متوقع ہیں
