پاکستان سپر لیگ کے نویں ایڈیشن کی رنگا رنگ افتتاحی تقریب کل قذافی اسٹیڈیم لاہور میں ہوگی جس میں پاکستان کے نامور گلوکار اپنی آواز کا جادو جگاکر تقریب کو چار چاند لگائیںگے۔
17فروری سے شروع ہونے والے پاکستان سپر لیگ کے نویں ایڈیشن کی افتتاحی تقریب کیلئے تیاریاں مکمل کرلی گئیں۔سماجی رابطے کی ویب سائٹ پرپی ایس ایل کے آفیشل ہینڈل کی جانب سے اس شاندار تقریب کی تفصیلات جاری کی گئی ہیں۔ 17فروری کو ہونے والی اس افتتاحی تقریب کا آغاز کل شام 06:30بجے ہوگا جبکہ قذافی اسٹیڈیم لاہور میں شائقین کرکٹ کی آمد کا سلسلہ دوپہر 03:30 بجے شروع ہوجائے گا۔افتتاحی تقریب میں گلوکار علی ظفر، آئمہ بیگ، عارف لوہار اور نوری پرفارم کریں گے۔ اس کے علاوہ افتتاحی تقریب میں آتش بازی اور لیزر شو کا اہتمام بھی کیا گیا ہے۔ یاد رہے کہ 14فروری کو ریلیز ہونے والا پی ایس ایل 9کا ترانہ گلوکار علی ظفراور آئمہ بیگ نے ہی پیش کیا ہے۔
