کوئٹہ میں زرعون روڈ پر خودکش دھماکے میں 10 افراد جاں بحق اور 30 سے زائد زخمی ہوگئے ،سیکیورٹی فورسز کی جوابی کارروائی میں خودکش حملہ آور سمیت 6 دہشتگرد ہلاک جبکہ 10 زخمی ہو گئے ۔
پولیس کے مطابق کوئٹہ میں زرغون روڈ کے قریب زور دار دھماکہ ہوا، جس کے بعد فائرنگ کی آوازیں بھی سنی گئیں، دھماکا اتنا شدید تھا کہ قریبی عمارتوں کے دروازے اور کھڑکیاں ٹوٹ گئیں، شہریوں میں خوف و ہراس پھیل گیا ۔
پولیس کے مطابق حالی روڈ کے قریب دھماکے کی تصدیق کرتے ہوئے بتایا کہ دھماکے میں 10 افراد جاں بحق جبکہ 30 سے زائد زخمی ہوگئے ۔
سکیورٹی ذرائع نے بتایا کہ خودکش حملہ آور کے علاوہ پانچ دہشت گردوں کو مارا گیا، دہشت گردوں کے حملےمیں 2 ایف سی جوان زخمی ہوئے ہیں، حملہ آور بھی ایف سی کی وردی میں ملبوس تھے، سب مارے گئے ہیں، بھارت کے ایجنڈے پر کام کرنے والے شرپسند عناصر کے ناپاک عزائم کو ناکام بناتے رہیں گے ۔
