ہری پور: شمالی علاقہ جات میں درجہ حرارت بڑھنے سے گلیشئر کے پگھلنے کے باعث تربیلہ ڈیم میں پانی کی آمد میں مسلسل اضافہ ریکارڈ کیا جا رہا ہے ۔
ترجمان تربیلہ ڈیم کی جانب سے جاری بیان کے مطابق پانی کا ذخیرہ ڈیڈ لیول سے 74 فٹ بلند ہوگیا ہے، ڈیم میں پانی کی سطع 1476.84 لیول ریکارڈ کی گئی ہے ۔
ترجمان کے بیان کے مطابق ڈیم میں پانی کی آمد 180700 کیوسک ریکارڈ کی گی ہے، ڈیم سے پانی کا اخراج 155000 کیوسک ہے۔
ترجمان تربیلہ ڈیم کا مزید کہنا ہے کہ اس وقت بجلی کے 17 پیداواری یونٹ کام کر رہے ہیں، 17 پیداواری بجلی کے یونٹ سے2810 میگاواٹ بجلی بنائی جارہی ہیں ۔
انہوں نے کہا کہ تربیلہ ڈیم کا ڈیڈ لیول 1402 سے ہیں اور پانی ذخیرہ کرنے کی گنجائش 1550 فٹ ہے،تربیلہ ڈیم کے پاور ہاوس میں لگے17 پیداواری یونٹ 4888میگاواٹ بجلی بنانے کی صلاحیت رکھتے ہیں ۔
