کوٹلی ستیاں پولیس نے مسافر کوسٹر پر فائرنگ میں ملوث اسامہ فیض نامی ملزم کو گرفتار کرلیا۔
پولیس نے ملزم اسامہ فیض سے اسلحہ بھی برآمد کر لیا۔
ملزمان نے پرچھم گیلا روڈ پر اپنے دیگر ساتھیوں کے ساتھ مل کر آزاد کشمیر سے راولپنڈی آنے والی مسافر کوسٹر پر فائرنگ کی تھی.
ملزمان کی فائرنگ سے ایک مسافر زخمی ہوا تھا۔
ڈی ایس پی کوٹلی ستیاں ستار خان کا کہنا تھا کہ دیگر ملزمان کی گرفتاری کے لیے چھاپے مارے جا رہے ہیں، تمام قانونی تقاضے پورے کرکے ملزمان کو قرار واقعی سزا دلوائی جائے گی۔
