لاہور: پنجاب پولیس لاہور سمیت صوبہ بھر میں منظم جرائم پیشہ گروہوں کے خلاف سرگرم عمل ہے۔
ترجمان پنجاب پولیس کے مطابق رواں سال کے دوران 2 ہزار 753 گینگز کے 6 ہزار 687 کارندوں کو گرفتار کیا گیا۔
ترجمان نے بتایا کہ ملزمان کے قبضے سے ایک ارب 71 کروڑ روپے سے زائد مالیت کا مال مسروقہ برآمد کیا گیا۔
برآمد ہونے والی اشیاء میں 255 گاڑیاں، 4 ہزار 713 موٹر سائیکلیں، 915 تولے سونا، 2 ہزار 131 مویشی اور 4 ہزار 105 موبائل فون بھی شامل ہیں۔
آئی جی پنجاب نے جرائم پیشہ عناصر کے خلاف آپریشنز مزید تیز کرنے کی ہدایت کرتے ہوئے کہا ہے کہ صوبے بھر میں منظم جرائم کے خاتمے کے لیے کارروائیاں بلا تعطل جاری رکھی جائیں۔
