لاہور: پنجاب کے مختلف اضلاع میں مون سون بارشوں نے جل تھل کردیا۔
پی ڈی ایم اے کی رپورٹ کے مطابق پچھلے 24 گھنٹے میں راولپنڈی میں سب سے زیادہ 130 ملی میٹر بارش ریکارڈ کی گئی۔
اس کے علاوہ اٹک 79، لاہور ائیرپورٹ 65، وزیرآباد 50، گوجرانولہ اور جہلم میں 39 ملی میٹر بارش ہوئی۔
راولپنڈی، اسلام آباد میں موسلادھار بارش، نالہ لئی میں طغیانی، خطرے کے سائرن بجا دیے گئے.
ترجمان پی ڈی ایم اے کے مطابق نارووال 33، منڈی بہاءالدین 30، گجرات 19، سیالکوٹ 11 اور مری میں 7 ملی میٹر بارش ہوئی۔
ترجمان کے مطابق مون سون بارشوں کا چھٹا سپیل 21 اگست تک جاری رہے گا۔
ترجمان پی ڈی ایم اے کاکہنا ہے کہ صوبے بھر کے کمشنر، ڈپٹی کمشنر اور متعلقہ اداروں کو الرٹ رہنےکی ہدایت جاری کی گئی ہے۔
ڈی جی محمد سیف انور جپہ کا کہنا ہے کہ شہری آسمانی بجلی کی گرج چمک کےدوران محفوظ مقامات پر رہیں۔
