وزیراعظم شہباز شریف نے چترال میں دانش سکول کا سنگ بنیاد رکھتے ہوئے کہا ہے کہ آج چترال کے عوام کو ان کا حق دینے آیا ہوں، دانش سکول سے ہونہار بچوں کو بہترین تعلیمی مواقع مفت میسر آئیں گے،انہوں نے کہا کہ
چترال میں دانش سکول کا سنگ بنیاد رکھنے کی تقریب سے خطاب کرتے ہوئے وزیراعظم شہبازشریف نے کہا کہ مجھے کسی نے چترال میں دانش سکول کا نہیں کہا، یہ میرا تحفہ ہے ۔
انہوں نے کہا کہ آج چترال کے عوام کو ان کا حق دینے آیا ہوں، دانش سکول سے ہونہار بچوں کو بہترین تعلیمی مواقع مفت میسر آئیں گے ۔
انہوں نے کہا کہ چترال کے عوام کا جدید تعلیم کا خواب شرمندہ تعبیر ہو رہا ہے، دور دراز کے عوام کو سہولتوں کی فراہمی میری ترجیح ہے ۔
وزیراعظم کا مزید کہنا تھا کہ وفاقی وسائل سے دور دراز علاقوں میں سہولیات فراہم کررہےہیں، عوام کو سہولیات کی فراہمی ریاست کا فرض ہے ۔
انہوں نے کہا کہ چترال خیبرپختونخوا کا خوبصورت علاقہ ہے، خیبرپختونخوا کے بہادر اور غیور عوام نے پاکستان کیلئے بے پناہ قربانیاں دیں ۔
وزیراعظم کا کہنا تھا کہ خیبرپختونخوا اور چترال کا جذبہ حب الوطنی مثالی ہے، یہاں کے عوام کی ترقی اور یکجہتی کیلئے کاوشیں ہمیشہ یاد رکھی جائیں گی ۔
وزیراعلیٰ خیبر پختونخوا سہیل آفریدی کا تذکرہ کرتے ہوئے انہوں نے کہا کہ سہیل آفریدی کو وزیراعلیٰ بننے پرمبارکباد اور بھرپور تعاون کی پیشکش کی، ان سے کہا کہ ترقی وخوشحالی کے لیے کام اور دہشت گردی ختم کریں ۔
