خیبر پختونخوا کی 13 رکنی نئی کابینہ نے حلف اٹھا لیا، حلف برداری کی تقریب گورنر ہاوس میں ہوئی، گورنر فیصل کریم کنڈی نے کابینہ اراکین سے حلف لیا ۔
گورنرہاؤس پشاور میں خیبرپختونخوا کی نئی 13 رکنی کابینہ کی حلف برداری کی تقریب منعقد ہوئی، تقریب میں وزیراعلیٰ سہیل آفریدی بھی موجود تھے ۔
تقریب حلف برداری میں سپیکرخیبر پختونخوا اسمبلی بابرسلیم سواتی، پی ٹی آئی کے دیگر صوبائی اور مرکزی رہنما، چیف سیکرٹری اور آئی جی پی بھی موجود تھے ۔
خیبرپختونخوا کی 13 رکنی کابینہ میں 10 وزرا، 2 مشیر اور ایک معاون خصوصی شامل ہیں ۔
صوبائی وزرا میں میناخان، فضل شکور، آفتاب عالم، فیصل ترکئی،عاقب اللہ ، ارشد ایوب خان،امجدعلی، خلیق الرحمان،ریاض خان اور فخرجہاں شامل ہیں ۔
اس کے علاوہ مزمل اسلم اور تاج محمد وزیراعلیٰ کے مشیر اور شفیع اللہ جان معاون خصوصی ہیں ۔
