صدر مملکت آصف زرداری چین کے 10 روزہ سرکاری دورے پر چینگ ڈو پہنچ گئے،ائیرپورٹ پر نائب وزیر خارجہ سن وی دونگ، نائب گورنر سیچوان ہوانگ ریشیا، پاکستانی اور چینی سفیروں نے صدر مملکت کا استقبال کیا ۔
چینگ ڈو: صدر مملکت آصف علی زرداری اپنے 10 روزہ سرکاری دورے پر چین کے شہر چینگ ڈو پہنچے تو ائیرپورٹ پر نائب وزیر خارجہ سن وی دونگ اور نائب گورنر سیچوان ہوانگ ریشیا نے صدر کا استقبال کیا ۔
اس موقع پر چن میں پاکستان کے سفیر خالد ہاشمی اور چینی سفیر جیانگ زائی ڈونگ بھی صدر مملکت کے استقبال کیلئے ایئر پورٹ پر موجود تھے ۔
چینی سفیر اس دورے کیلئے خصوصی طور پیشگی چینگ ڈو پہنچے ہیں اس دورے میں ہر جگہ صدر مملکت کے ساتھ ہونگے ،صدر آصف زرداری چینی قیادت سے ملاقاتیں کریں گے اور دورے میں پاک چین تعلقات مزید مضبوط بنانے پر بات ہوگی ۔
صدر آصف زرداری مختلف شعبوں میں تعاون بڑھانے کے مواقع پر بات کریں گے، پاک چین آل ویدر اسٹریٹیجک کوآپریٹو پارٹنرشپ کو مزید آگے بڑھایا جائے گا ۔
