اسلام آباد: ملک کے منتخب اضلاع میں انسدادِ پولیو کی خصوصی مہم چھٹے روز بھی جاری ہے۔
مہم کے پہلے پانچ روز کے دوران 2 کروڑ 77 لاکھ سے زائد بچوں کو پولیو سے بچاؤ کے قطرے پلائے جا چکے ہیں۔
نیشنل ای او سی کے مطابق انسدادِ پولیو مہم 21 سے 27 ستمبر تک جاری رہے گی۔
2 لاکھ 73 ہزار پولیو ورکرز گھر گھر جا کر بچوں کو پولیو سے محفوظ بنانے میں مصروف ہیں۔
پنجاب کے منتخب اضلاع میں 78 لاکھ 98 ہزار سے زائد بچوں کو پولیو کے قطرے پلائے جا چکے ہیں۔
سندھ کے 30 منتخب اضلاع میں 98 لاکھ 80 ہزار سے زائد بچوں کی ویکسینیشن مکمل ہو چکی ہے۔
خیبر پختونخوا کے 37 منتخب اضلاع میں 71 لاکھ 22 ہزار بچوں کو پولیو کے قطرے پلائے جا چکے ہیں۔
بلوچستان کے 32 منتخب اضلاع میں 22 لاکھ 49 ہزار سے زائد بچوں کی ویکسینیشن مکمل ہوئی ہے۔
نیشنل ای او سی کے مطابق اسلام آباد میں 4 لاکھ 43 ہزار سے زائد بچوں کو پولیو کے قطرے پلائے جا چکے ہیں۔
گلگت بلتستان کے 2 منتخب اضلاع میں تقریباً 1 لاکھ 40 ہزار بچوں کو پولیو سے بچاؤ کے قطرے پلائے گئے ہیں۔
نیشنل ای او سی کا کہنا ہے کہ پولیو ایک لاعلاج مرض ہے، تاہم ویکسین کے ذریعے اس سے بچاؤ ممکن ہے۔
