اٹک میں مٹی نکالتے ہوئے اچانک مٹی کا تودہ گر گیاجس کے نیچے دب کر دو بچے جاں بحق ہوگئے، جاں بحق بچوں شناخت 8 سالہ اشر علی اور 5 سالہ نعلین زہرا علی کے نام سے ہوئی ۔
اٹک: ریسکیو حکام کے مطابق اٹک کے گاؤں سقہ آباد میں مٹی نکالتے وقت اچانک تودہ گرگیا ، جس کی زد میں 2 بطے آکر دب گئے ،مقامی افراد نے اپنی مدد آپ کے تحت دونوں بچوں کو مٹی سے نکال لیا ۔
مٹی کے تودے تلے دب کر جاں بحق ہونے والے بچوں کی شناخت 8 سالہ اشر علی اور 5 سالہ نعلین زہرا علی کے نام سے ہوئی ۔
ریسکیو کی ایمبولینس بھی جائے حادثہ پر پہنچ گئی، ریسکیو اہلکاروں نے دونوں بچوں کو ابتدائی طبی امداد فراہم کرتے ہوئے ڈسٹرکٹ ہیڈکوارٹر ہسپتال اٹک منتقل کیا جہاں ڈاکٹروں نے دونوں بچوں کی موت کی تصدیق کر دی ۔
