مقبوضہ جموں وکشمیر میں مختلف مقامات پر پوسٹر چسپاں کیے گئے جن میں پاکستانی پرچم، فیلڈ مارشل عاصم منیر اور رافیل سمیت بھارتی جنگی طیاروں کو مار گرانے والے J-10C لڑاکا طیارے کی تصاویر موجود ہیں ۔
کشمیر میڈیا سروس کی جانب سے بتایا گیا ہے کہ ”آپریشن بنیان مرصوص‘‘ کے سلسلے میں یہ پوسٹرز سری نگر اوردیگرعلاقوں میں دیواروں، ستونوں اور کھمبوں پر چسپاں کیے گئے ہیں ۔
کے ایم ایس کا کہنا ہے کہ پوسٹرز کے ذریعے مظلوم کشمیریوں کے ساتھ بھر پور اظہار یکجہتی اور ان کی جدوجہد کی سیاسی، سفارتی اور اخلاقی حمایت پر پاکستان کا شکریہ ادا کیا گیا ۔
کشمیر میڈیا سروس کا مزید کہنا تھا کہ پوسٹروں میں لکھا ہے کہ ’پاکستان زندہ باد، بھارتی فوجی جارحیت پر پاکستان کے منہ توڑ جواب نے کشمیریوں کے دل جیت لیے ہیں ۔
کے ایم ایس کے مطابق مکمل پیشہ ورانہ مہارت سے لیس پاکستان کی مسلح افواج تعریف کی مستحق ہیں، پاک افواج نے بھارتی فوجی صلاحیت کا پول کھول دیا‘ ۔
