پاکستان انٹرنیشنل ایئرلائنز ( پی آئی اے ) نے اپنا نیٹ ورک یورپ اور برطانیہ تک بڑھانے کا منصوبہ تیار کر لیا ہے۔ ترجمان پی آئی اے کے مطابق پی آئی اے کا نیٹ ورک یورپ اور برطانیہ تک بڑھانے کا منصوبہ تیار کر لیا گیا ہے۔ ائر لائن اپنے آپریشنل طیاروں کی تعداد میں بھی اضافہ کرے گی۔
ترجمان نے بتایا کہ یہ فیصلہ یورپی ایوی ایشن سیفٹی ایجنسی کی جانب سے عائد پابندی کے خاتمے کے بعد کیا گیا۔ ان کا کہنا تھا کہ قومی ایئرلائن اپنے طیاروں کو دوبارہ آپریشنل سروس میں لارہی ہے اور جلد بوئنگ 777 کےآپریشنل بیڑے کی تعداد آٹھ ہو جائے گی۔ ان کا مزید کہنا تھا کہ اے 320 طیاروں کی تعداد12 تک پہنچنےکی توقع ہے۔
