پٹرولنگ پولیس راولپنڈی ریجن کی ماہِ جون 2025 کی کارکردگی رپورٹ جاری کر دی گئی،اس دوران متعدد ایف آئی آر کا اندراج کیا گیا اور کئی چوری شدہ گاڑیاں برآمد کی گئیں ۔
راولپنڈی: پٹرولنگ پولیس راولپنڈی ریجن نے ایس ایس پی محمد بن اشرف کی زیر ھدایات کاروائیاں کرتے ہوئے گزشتہ ماہ میں 185 ایف آئی آر کا اندراج کرایا ۔
پولیس کے مطابق اس دوران 03 عدد پسٹل ، 01 عدد رائفل معہ 32 روند جبکہ 02 چوری شدہ گاڑیاں اور 04 موٹرسائییکل برآمد کئے ۔
رپورٹ کے مطابق 33 مجرم اشتہاری ، 37 عدالتی مفرور گرفتار کیۓ۔ 25556 ای چالان کئے، گاڑیوں میں غیرمعیاری گیس سلنڈر نصب کرنے پر 77 ڈرائیوروں کے خلاف مقدمات کا اندراج کیا گیا ۔
پولیس کا کہنا ہے کہ ای ایپ چیکنگ میں 288247 پرسن اور 75841 وہیکل چیک کئے گئے، دوران سفر 300 پریشان حال مسافروں کی مدد کی گئی ، جس میں 13 فرسٹ رسپانڈ اور طبی امداد شامل ہے ۔
رپورٹ میں کہا گیا ہے کہ 07 گمشدہ بچوں کو بحفاظت ورثاء کے حوالے کیا، ڈرائیونگ سکولز میں 52 شہریوں کو ڈرائیونگ کورس کروایا جبکہ 655 شہریوں کو ڈرائیونگ لائیسنس جاری کئے گئے ۔
پولیس کا کہنا ہے کہ اس دوران 230 کم عمر جبکہ 3016 بغیر کاغذات و ہیلمٹ موٹرسائیکل سواروں کے موٹرسائیکل بند کئے گئے ۔
