کراچی: وفاقی وزیرِ خزانہ محمد اورنگزیب نے کہا ہے کہ پاکستان کی معیشت استحکام کی جانب گامزن ہے۔
مالیاتی خسارہ تاریخ کی کم ترین سطح پر ہے، جی ڈی پی کی شرح نمو 3.7 فیصد تک ، جبکہ گزشتہ مالی سال کی ترسیلاتِ زر 42 ارب ڈالر تک رہنے کی توقع ہے۔
پاکستان بینکنگ سمٹ دو ہزار چھبیس سے خطاب کرتے ہوئے وزیر خزانہ نے کہا کہ زرمبادلہ کے ذخائر تقریباً 18.4 ارب ڈالر تک پہنچنے کا امکان ہے۔
ویلیو ایڈڈ خصوصاً ٹیکسٹائل برآمدات میں مسلسل اضافہ ہو رہا ہے۔
انہوں نے کہا کہ تقریباً چار سال بعد پاکستان نے دوبارہ عالمی سرمایہ جاتی منڈیوں تک رسائی حاصل کی ہے۔
750 ملین ڈالر کے یورو بانڈ کے بعد پہلی مرتبہ پانڈا بانڈ کا کامیاب اجرا کیا گیا، جسے سرمایہ کاروں کی جانب سے پانچ گنا زائد پذیرائی ملی، جو عالمی سرمایہ کاروں کے بڑھتے ہوئے اعتماد کا مظہر ہے۔
وزیرِ خزانہ نے کہا کہ گزشتہ مالی سال میں رجسٹرڈ کمپنیوں کی تعداد پہلی بار تین لاکھ سے تجاوز کر گئی۔
پاکستان سٹاک ایکسچینج 20 سال کی بلند ترین سطح پر ہے جو معیشت میں سرمایہ کاری اور کاروباری سرگرمیوں میں اضافے کی عکاسی کرتے ہیں۔
