مصر میں جاری کوالیفائر میں جاپان کو شکست دیکر پاکستان ہاکی ٹیم نے 8 سال بعد ورلڈکپ میں جگہ بنالی، پاکستان نے جاپان کو 3 گول کے مقابلے میں 4 گول سے ہراکر ایونٹ کے فائنل کیلئے بھی کوالیفائی کرلیا ۔
ورلڈ کپ ہاکی کوالیفائر کے سیمی فائنل میں پاکستان نے جاپان کو سنسنی خیز مقابلے کے بعد 3 کے مقابلے میں 4 گولز سے شکست دیکر فائنل کیلئے کوالیفائی کرلیا ۔
گول کیپر علی رضا نے پنالٹی سٹروک روک کر پاکستان کو کامیابی سے ہمکنار کیا، میچ کے اختتام سے 4 منٹ قبل جاپان کو پنالٹی اسٹروک ملا جو گول کیپر علی رضا نے روک کر پاکستان کو اہم جیت دلادی ۔
پاکستان کی جانب سے سفیان خان، ابو محمد، محمد عماد اور افراز نے گول کیے، ورلڈ کپ ہاکی کوالیفائر کے سیمی فائنل میں کامیابی حاصل کرکے پاکستان نے 8 سال بعد ورلڈ کپ کیلئے کوالیفائی کرلیا ۔
پاکستان ہاکی ٹیم 2018 کے بعد پہلی بار ورلڈ کپ کھیلے گی، پاکستان پچھلے ورلڈ کپ کیلئے کوالیفائی نہیں کرسکا تھا، واضح رہے کہ ہاکی ورلڈ کپ 2026 بلیجیئم اور نیدرلینڈز میں ، 14 سے 30 اگست تک کھیلا جائے گا ۔
