بھارتی فوج کی جانب سے لائن آف کنٹرول پر بلااشتعال فائرنگ اور گولہ باری کا سلسلہ تیسرے روز بھی جاری رہا ، بھارتی جارحیت میں 5 پاکستانی شہری شہید ہوگئے ،جبکہ پاک فوج نے جوابی کارروائی میں بھارتی فوج کی متعدد چوکیاں اڑا دیں، اور فوجی ہیڈکوارٹر بھی تباہ کر دیا ۔ بھارتی فوج نے آزاد کشمیر میں کھوئی رٹہ سیکٹر میں آبادی پر گولہ باری کی، جس کے نتیجے میں نومولود بچی سمیت 4 افراد شہید اور 12 زخمی ہوگئے ۔ باغ میں مکان پر بھارتی گولا گرنے سے نوجوان شہید اور 2 بہنیں زخمی ہوگئیں، زخمیوں کو قریبی ہسپتال منتقل کر دیا گیا ،دوسری جانب پاک فوج نے بھارتی اشتعال انگیزی پر بھرپور جوابی کارروائی کرکے بھارتی فوج کی 3 چوکیاں اڑا ڈالیں ۔ حاجی پیر سیکٹر میں پاکستان نے بھارتی فوج کے خلاف مؤثر جوابی کارروائی کی،…