ریسکیو حکام نے کہا ہے کہ مری میں وفاقی وزیر امور کشمیر وگلگت بلتستان انجینئر امیر مقام کے قافلے میں شامل گاڑی کو حادثہ پیش آیا ہے ۔
ریسکیو کے مطابق وفاقی وزیر امور کشمیر امیر مقام کے قافلے میں شامل گاڑی کے حادثے میں 5 افراد زخمی ہوئے ہیں جبکہ وفاقی وزیر امیر مقام محفوظ رہے ۔
ریسکیو حکام کا مزید کہنا تھا کہ حادثے میں زخمی ہونے والے افراد کو سی ایم ایچ مری منتقل کیا گیا ہے جہاں 2 زخمیوں کی حالت تشویش ناک ہے ۔
ذرائع کے مطابق وفاقی وزیر امیر مقام کشمیر کا دورہ مکمل کرکے اسلام آباد واپس آرہے تھے کہ ان کے قافلے میں شامل گاڑی کو حادثہ پیش آیا ۔
