پٹرولیم مصنوعات کی نئی قیمتوں کا اعلان کردیا گیا،وفاقی حکومت نے مسلسل تیسری بار پیٹرول کی قیمت برقرار رکھی جبکہ ڈیزل کی قیمت میں 2 روپے 78 پیسے فی لیٹر کا اضافہ کر دیا گیا ۔
اسلام آباد: وزارت خزانہ کی جانب سے جاری اعلامیے کے مطابق پیٹرول کی قیمت 264 روپے 61 پیسے فی لیٹر آئندہ 15 روز کیلئے برقرار رکھی گئی ہے ۔
اعلامیے میں کہا گیا ہے کہ ہائی سپیڈ ڈیزل کے نرخ میں فی لٹر 2 روپے 78 پیسے اضافہ کیا گیا ہے جس کے بعد اس کی نئی قیمت 272 روپے 77 پیسے فی لیٹر مقرر کی گئی ہے ۔
پیٹرولیم مصنوعات کی نئی قیمتوں کا اطلاق آج 16 ستمبر سے 30 ستمبر تک ہوگا ۔
واضح رہے کہ یکم ستمبر کو وزارت خزانہ نے ہائی اسپیڈ ڈیزل کی قیمت میں 3 روپے فی لیٹر کی کمی کی تھی ۔
