ملک بھر کی طرح میرپور آزادکشمیر میں بھی چہلم امام حسینؑ و شہدائے کربلا آج انتہائی عقیدت و احترام کے ساتھ منایا جا رہا ہے۔
چہلم کا مرکزی جلوس مرکزی امام بارگاہ بیت الحزن سے برآمد ہوکر روایتی راستوں پر گامزن ہے, جلوسوں کے راستے پر شہدائے کربلا کی یاد میں ٹھنڈے پانی اور شربت کی سبیلیں لگائی گئی ہیں۔
اس موقع پر امن و امان کو برقرار رکھنے کے لیے سیکیورٹی کے سخت انتظامات کئے گئے ہیں، ڈپٹی کمشنر یاسر ریاض اور ایس ایس پی خاور علی شوکت نے سیکیورٹی انتظامات کا جائزہ لیا۔
