مانسہرہ کے نواحی علاقہ گاندھیاں میں نجی ہسپتال میں ڈاکٹرز اور ہسپتال عملے کی مبینہ غفلت سے ماں اور نومولود بچہ جاں بحق ہو گئے ۔
ڈاکٹروں کی مبینہ غفلت کا واقعہ محبوب آئی ہسپتال میں پیش آیا، ڈاکٹرز اور عملہ کی مبینہ غفلت کے خلاف متاثرہ خاتون کے لواحقین نے احتجاج بھی کیا ۔
مانسہرہ پولیس نے مقدمہ درج کرکے ایک ملزم گرفتار کر لیا، ڈی پی او مانسہرہ شفیع اللہ خان گنڈا پور کے مطابق مقدمے میں نامزد باقی ملزمان جلد ہی گرفتار ہو جائیں گے ۔
