مانسہرہ: تھانہ سٹی میں لاکھوں روپے مالیت کی منشیات تلف ، 541 فیصلہ شدہ مقدمات میں ضبط شدہ چرس، ہیروئن، آئس اور شراب جلائی گئیں ۔
تھانہ سٹی میں 541 فیصلہ شدہ مقدمات میں ضبط شدہ لاکھوں روپے مالیت کی منشیات کو عدالتی حکم کے تحت باقاعدہ کارروائی کے دوران نذر آتش کر دیا گیا ۔
جوڈیشنل مجسٹریٹ I نور الحق اور ایس پی انویسٹی گیشن مانسہرہ شیراز خان کی موجودگی میں مجموعی طور پر 304 کلو 323 گرام چرس ، 4 کلو 983 گرام ہیروئین ،646 گرام آئس اور 37 بوتل شراب جلائی گئی اور مکمل طور پر تلف کر دی گئیں ۔
اس موقع پر انسپکٹر لیگل اظہر خان، ایس ایچ او تھانہ سٹی عاصم بخاری اور محرر مالخانہ ذاہد بابر بھی موجود تھے،کارروائی مکمل ضابطہ کار اور عدالتی نگرانی میں انجام دی گئی ۔
