مانسہرہ میں منشیات فروشوں کے خلاف کریک ڈاؤن کیا گیا ہے۔
ذرائع کے مطابق ڈی پی او مانسہرہ، شفیع اللہ گنڈا پور کے احکامات پر، ضلع بھر میں منشیات فروشوں کے خلاف سخت کارروائیاں جاری ہیں۔ تھانہ سٹی پولیس نے منشیات کی روک تھام کے لیے ایک بڑی کارروائی کے دوران ملزمان قمر اسلام، عدیل اور اعجاز اللہ کو گرفتار کیا۔
ایس ایچ او تھانہ سٹی، عامر خان کی قیادت میں کی جانے والی اس کارروائی میں ملزمان سے مجموعی طور پر 5 کلو 293 گرام چرس اور 10 عدد ڈانسنگ پلز برآمد ہوئے۔ گرفتار ملزمان کے خلاف منشیات ایکٹ کے تحت مقدمات درج کر لیے گئے ہیں۔
پولیس نے عوامی تعاون کی اہمیت پر زور دیتے ہوئے کہا ہے کہ منشیات کے خلاف جنگ میں ہر شہری کا کردار اہم ہے۔
