مانسہرہ شہر کے مرکزی مقام لاری اڈہ پر افسوسناک واقعہ پیش آیا جہاں ایک ٹی ایم اے مانسہرہ کی عمارت چھت اچانک گرنے سے تین قیمتی جانیں ضائع ہو گئیں جبکہ متعدد افراد زخمی ہو گئے ۔
واقعہ کے فوراً بعد ریسکیو ، پولیس اور دیگر امدادی ٹیمیں موقع پر پہنچ گئیں اور زخمیوں کو کنگ عبداللہ ٹیچنگ ہسپتال منتقل کر دیا گیا ۔
ابتدائی اطلاعات کے مطابق زخمیوں میں بعض کی حالت نازک بتائی جا رہی ہے، جس کے باعث مزید ہلاکتوں کا خدشہ ظاہر کیا جا رہا ہے ۔
عینی شاہدین کے مطابق چھت گرنے کے وقت مقام پر متعدد لوگ موجود تھے، جن میں دکاندار، مسافر اور راہگیر شامل تھے ۔
