ایبٹ آباد: نیشنل انسٹیٹیوٹ آف پبلک ایڈمنسٹریشن اسلام آباد کے زیر تربیت 37 ویں ایس ایم سی کورس میں شریک مختلف محکمہ جات کے افسران کی ڈی ایس شمائلہ زبیر احمد کی سربراہی میں ڈی آئی جی ہزارہ دفتر آمد، ڈی آئی جی ہزارہ ناصر محمود ستی سے ملاقات کی اور ہزارہ میں لاء اینڈ آرڈر کی موجودہ صورتحال، ترقیاتی پراجیکٹس و چائنیز سیکیورٹی، خیبرپختونخوا پولیس کی جانب سے عوام کیلئے اٹھائے گئے عملی اقدامات کے حوالے سے اہم امور پر تبادلہ خیال کیا گیا ۔
ڈی آئی جی ہزارہ ناصر محمود ستی نے شرکاء سے بات چیت کرتے ہوئے کہا کہ خیبرپختونخوا پولیس دہشتگردی اور ملک دشمن عناصر کیخلاف جاری جنگ میں پہلے بھی صفہ اول کا کردار ادا کیا ہے اورآخری دہشتگرد اور ملک دشمن عناصر کے خاتمہ تک سیسہ پلائی دیوار بن کر کھڑی رہی گی ۔
انہوں نے کہا کہ عوام کو پولیس کی جانب سے سہولیات کی فراہمی کو مزید آسان اور موثر بنانے کیلئے ہزارہ میں بھی جلد پولیس سہولت مراکز کا آغاز کیا جائے گاجس سے عوام موبائل ایپ کے زریعے پولیس کی جانب سے فراہم کردہ سہولیات سے استفادہ حاصل کرسکیں گے ۔
ڈی آئی جی کا کہنا تھا کہ جدید ٹیکنالوجی کی مدد سے مزید اصلاحات لائی جارہی ہیں جس سے کرائم کنٹرول میں معاونت مل رہی ہے، منشیات فروشوں، قبضہ مافیا، ٹمبر سمگلر اور دیگر جرائم پیشہ افراد کیخلاف روز مرہ کی بنیاد پر کارروائیاں کی جارہی ہیں اور کسی بھی جرائم پیشہ گروہ یافرد کیساتھ کوئی رعایت نہیں کی جارہی۔
ان کا کہنا تھا کہ پولیس ملازمین اور انکی فیملیز کو بہترین طبی و تعلیمی سہولیات کو ممکن بنانے کیلئے مختلف نجی ہسپتالوں اور نجی تعلیمی اداروں کیساتھ معاہدے کیئے جارہے ہیں جس سے پولیس ملازمین و انکی اہل خانہ سہولیات مل رہی ہیں۔
ناصر محمود ستہ نے کہا کہ ہزارہ میں ٹریفک مسائل ایک بڑا چیلنج ہے جس کے حل کیلئے ضلعی سطح پر پولیس، ضلعی انتظامیہ و دیگر متعلقہ سٹیک ہولڈرز کی کمیٹیاں تشکیل دی گئی ہے جو مل بیٹھ کر ٹریفک مسائل کو حل کرنے کیلئے عملی اقدامات اٹھارہی ہے جس سے ٹریفک روانی میں عوام کو خاترخواہ بہتری نظر آرہی ہے ۔
میٹنگ کے اختتام پرکوآرڈینیٹرسلیمان افضل نے نیشنل انسٹیٹیوٹ آف پبلک ایڈمنسٹریشن اسلام آبادکی جانب سے ڈی آئی جی ہزارہ ناصر محمود ستی کو شیلڈ پیش کی جبکہ ڈی آئی جی ہزارہ ناصر محمود ستی نے ہزارہ پولیس کی جانب سے ڈی ایس شمائلہ زبیر احمد کو شیلڈ دی ۔
