سیکیورٹی فورسز نے خیبرپختونخوا کے مختلف علاقوں میں 3 کامیاب کارروائیاں کی ہیں جس کے نتیجے میں 8 دہشتگرد ہلاک ہوگئے، اس دوران دہشتگردوں کے ساتھ فائرنگ مین پاک فوج کا ایک جوان بھی شہید ہو گیا ۔
آئی ایس پی آر کی جانب سے جاری بیان میں کہا گیا ہے کہ سیکیورٹی فورسز نے پہلی کارروائی شمالی وزیرستان کی تحصیل میر علی میں خفیہا طلاع پر، جہاں کامیاب کارروائی میں تین دہشتگر ہلاک ہو گئے ۔
آئی ایس پی آر کے مطابق سیکیورٹی اہلکاروں نے دوسرا آپریشن جنوبی وزیرستان میں انٹیلی جنس اطلاع پو کیا بجہاں 2 دہشتگردوں کو اپنے انجام تک پہنچایا گیا ، تاہم آپریشن کے دوران دہشتگردوں کی شدید فائرنگ سے کوہاٹ کے رہائشی 40 سالہ نائیک مجاہد خان بہادری سے لڑتے ہوئے شہید ہوگئے ۔
پاک فوج کے ترجمان کا مزید کہنا تھا کہ خیبر اور بنوں میں بھی سیکیورٹی فورسز نے کارروائیاں کی ہیں اور اس دوران دہشتگردوں کے ساتھ فائرنگ کا شدید تبادلہ بھی ہوا ، جھڑپوں کے نتیجے میں 3 دہشتگردوں کو ہلاک کیا گیا، ہلاک دہشتگردوں کے قبضے سے اسلحہ، گولہ بارود اور دھماکہ خیز مواد بھی برآمد ہوا ۔
آئی ایس پی آر نے مزید بتایا کہ ہلاک دہشتگرد علاقے میں سیکیورٹی فورسز پر حملوں اور معصوم شہریوں کی ٹارگٹ کلنگ میں ملوث تھے، علاقے میں کسی ممکنہ دہشتگرد کے خاتمے کے لیے کلئیرنس آپریشنز بھی کیے گئے ۔
ترجمان پاک فوج کے مطابق سیکیورٹی فورسز دہشت گردی کی لعنت کو ختم کرنے کے لیے پرعزم ہیں، بہادر سپاہیوں کی یہ قربانیاں ہمارے عزم کو مزید مضبوط کرتی ہیں ۔
