کراچی: بحیرہ عرب اور خلیج بنگال سے مرطوب ہوائیں ملک کے بالائی علاقوں میں داخل ہو رہی ہیں.
اس دوران ایک مغربی لہر ملک کے بالائی علاقوں تک پہنچنے کا امکان ہے۔
محکمہ موسمیات کی ارلی وارننگ سینٹر پیش گوئی کے مطابق 8 اور 9 جولائی کو سکھر، شکارپور، لاڑکانہ، دادو، جیکب آباد، شہید بےنظیرآباد، قمبر شہداد کوٹ اور نوشہرو فیروز میں چند مقامات پر تیزہواؤں اور گرج چمک کے ساتھ بارش کا امکان ہے۔
خلیج بنگال میں بننے والا ہوا کا کم دباو اس وقت بھارت کی بالائی فضاوں میں موجود ہیں جس کے زیر اثر پیر 6 جولائی کو کراچی میں درجہ حرارت میں ایک تا دو ڈگری اضافہ ہوا۔
منگل اور بدھ کی درمیانی شب ہوائیں ساکن ہونے کے نتیجے میں حبس محسوس کیا جائے گا۔
کراچی میں بھارت سے منسلک سسٹم کے زیر اثر 2 روز تک گرمی میں کچھ اضافہ ہو سکتا ہے۔
ہواؤں کی رفتار میں کمی کے سبب دو روز کے دوران گرمی زیادہ محسوس کی جا سکتی ہے۔
