کشمیر میڈیا سروس کی جانب سے جاری تفصیلات کے مطابق قابض بھارتی فورسز نے سری نگر میں 12سےزائدگھروں پر چھاپے مار کر تلاشی لی اور کالے قانون کے تحت پرامن کشمیریوں کے خلاف کارروائیاں کیں ۔
کے ایم ایس کی رپورٹ میں کہا گیا ہے کہ بھارتی فورسز نے چھاپوں کے دوران کشمیریوں کو خوف و دہشت کا نشانہ بنایا اور کشمیریوں کی اہم دستاویزات، موبائل فون اور دیگر آلات بھی قبضے میں لیے ۔
کشمیر میڈیا سروس کا مزید کہنا تھا کہ قابض فوج کی کاروروائیوں کے دوران متعدد بے گناہ کشمیروں کو گرفتار کرلیا گیا ہے ۔
کشمیر میڈیا سروس کا بتانا ہے کہ کُل جماعتی حریت کانفرنس نے قابض فوج کے چھاپوں، لوٹ مار مہم پر سخت تشویش کا اظہار کرتے ہوئے مطالبہ کیا ہے کہ اقوام متحدہ مقبوضہ وادی کی بگڑتی صورتحال کا جائزہ لے اور تنازع کشمیر حل کرائے ۔
