پہلے ون ڈے میچ میں بھارت نے افغانستان کو 7 وکٹوں سے ہرادیا، 25 اوورز تک محدود رہنےوالے میچ میں بھارت نے افغانستان کی جانب سے دیا گیا 195 رنز کا ہدف 22.5 اوورز میں 3 وکٹوں کے نقصان پر حاصل کیا ۔
دھرمسالہ میں کھیلے گئے پہلے ون ڈے میچ میں افغانستان نے پہلے کھیلتے ہوئے مقررہ 25 اوور میں 194 رنز بنائے اور تمام کھلاڑی آوٹ ہوئے ، بھارت کی جانب سے گرنور برار اور ہارش دوبے نے 3،3 وکٹیں حاصل کیں ۔
افغانستان کی جانب سے رحمان اللہ گرباز نے شاندار اننگز کھیل کر 102 رنز بنائے ،حشمت اللہ شہیدی 27 اور عظمت اللہ عمرزئی 26 رنز بنانے میں کامیاب رہے، بھارتی ٹیم نے مقررہ ہدف 22.5 اوورز میں 3 وکٹوں کے نقصان پر پورا کرکے کامیابی حاصل کی اور 3 میچز کی سیریز میں ایک صفر کی برتری بھی حاصل کرلی ۔
بھارت کی جانب سے کپتان شبھمن گل نے سب سے زیادہ 84 رنز کی ناقابل شکست اننگز کھیلی، کے ایل راہول 39 اور ایشان کشن 34 رنز بنا سکے، افغانستان کی جانب سے راشد خان اور ضیاالرحمان نے ایک ،ایک کھلاڑی کو آوٹ کیا ۔
