مظفر آباد سمیت آزاد کشمیر کے مختلف علاقوں میں میں بارشوں کا نیا سلسلہ شروع ہونے کا امکان ہے، محکمہ موسمیات کے مطابق اتوار سے 31 جولائی تک مختلف علاقوں میں موسلادھار بارشیں متوقع ہیں، ان بارشوں کے باعث ندی نالوں میں طغیانی اور پہاڑی علاقوں میں لینڈ سلائیڈنگ کا خدشہ ہے۔ شہریوں کو احتیاطی تدابیر اختیار کرنے کی ہدایت کی گئی ہے ۔
مظفرآباد: محکمہ موسمیات اور ایس ڈی ایم اے کی طرف سے جاری کی گئی ایڈوائزری کے مطابق آزاد کشمیر میں 27 جولائی سے 31 جولائی تک گرج چمک، تیز ہواؤں اور وقفے وقفے سے موسلادھار بارشوں کا امکان ہے ۔
آزاد کشمیر کے 10 اضلاع مظفرآباد، چہلم ویلی ہٹیاں بالا، نیلم ویلی،راولاکوٹ (پونچھ)، باغ، حویلی، سدھنوتی، کوٹلی، بھمبر اور میرپور میں بارشیں برسیں گی ۔
مون سون کی بارشوں کے نیتجہ میں ندی نالوں میں طغیانی ،سیلاب پہاڑی علاقوں میں لینڈ سلائیڈنگ سے سڑکوں کی بندش کی پیشگوئی کی گئی ہے جبکہ شہری علاقوں میں اربن فلڈنگ سے کچے گھروں، کمزور دیواروں، کھمبوں، سائن بورڈز و سولر پینلز کو نقصانات پہنچنے کا خدشہ ہے ۔
آزاد کشمیر میں آنے والے سیاحوں اور عوام کو پہاڑی علاقوں اور ندی نالوں کے قریب نہ جانے اورغیر ضروری سفر سے اجتناب کرنے کی ہدایت کی گئی ہے ۔
