گوادر: فتنہ الہندوستان کاگمراہ کن پروپیگنڈا ناکام ہوگیا.
گوادر سے تعلق رکھنے والے 3 نوجوانوں اسد جلال، شریف اور اکرم نے فتنہ الہندوستان سے لاتعلقی کا اعلان کر دیا.
گمراہ کن پروپیگنڈے کا شکار نوجوانوں کے اہلِ خانہ نے پا کستان سے غیرمتزلزل وفاداری اور وابستگی کے عزم کا اعادہ کیا۔
گوادر پریس کلب میں نوجوانوں کے ہمراہ پریس کانفرنس کرتے ہوئے مولانا ہدایت الرحمان نے کہا کہ ہمارے نوجوان گمراہ کن پروپیگنڈے اور سوشل میڈیا کےمنفی استعمال کے باعث غلط راستے پرچلے گئے تھے۔
پریس کانفرنس کے دوران نوجوانوں نے کہا کہ گمراہ عناصر سے ہمارا کوئی تعلق نہیں، وطن عزیز پاکستان کی سلامتی پر کوئی سمجھوتہ نہیں کریں گے۔
مولانا ہدایت الرحمان نے کہا کہ نوجوان شدت پسند تنظیموں کا ساتھ چھوڑ کر گھروں کو واپس آئیں.
انہوں نے واضح الفاظ میں کہا کہ نوجوان تشدد کاراستہ ترک کریں، بلوچستان کی ترقی اور خوشحالی پُرامن اور جمہوری جدوجہد میں ہے۔
مولانا ہدایت الرحمان نے کہا کہ والدین بچوں کی سرگرمیوں پرنظررکھیں تاکہ وہ گمراہ کن عناصرکےاثرات سےمحفوظ رہ سکیں۔
مولانا نے کہا کہ بلوچستان کے نوجوان جمہوری اورسیاسی جدوجہد کا حصہ بنیں اور پُرامن طریقے سے اپنے حقوق حاصل کریں۔
