پشاور کے علاقے مچنی گیٹ آبشار کالونی میں نامعلوم موٹر سائیکل سوار رہزنوں نے محکمہ سی اینڈ ڈبلیو میں اکاؤنٹنٹ کے طور پر خدمات سر انجام دینے والے صدر اعظم چترالی کو مزاحمت پر فائرنگ کرکے قتل کردیا ۔
فائرنگ کے نتیجے میں مقتول کا قریبی رشتہ دار آفتاب خان چترالی بھی شدید زخمی ہوگیا، جنہیں ہسپتال منتقل کر دیا گیا ۔
پولیس کے مطابق مقتول صدر اعظم چترالی اپنے بھانجے کے گھر بطور مہمان آیا تھا، آبشار کالونی میں چہل قدمی کررہے تھے کہ رہزنوں نے یرغمال بنالیا ۔
پولیس نے واقعے کا مقدمہ درج کرکے مزید تحقیقات شروع کردی ،پولیس کے مطابق رہزن ملزمان سے نقدی اور موبائل چھین کر نہیں لیکر گیے ۔
