اسلام آباد: وزیراعظم محمد شہباز شریف نے لیفٹیننٹ جنرل عامر رضا کو فور سٹار جنرل کے عہدے پر ترقی دے دی۔
وزیراعظم نے لیفٹیننٹ جنرل عامر رضا کو کمانڈر نیشنل سٹریٹجک کمانڈ مقرر کیا ہے۔
اس سے پہلے لیفٹیننٹ جنرل عامر رضاچیف آف جنرل سٹاف کے عہدے پر تعینات تھے۔
وزیراعظم نے جنرل عامر رضا کو ترقی اور نئی ذمہ داری سنبھالنے پر مبارکباد پیش کرتے ہوئے نیک خواہشات کا اظہار کیا ہے۔
وزیراعظم نے امید ظاہر کی کہ جنرل عامر رضا اپنی پیشہ ورانہ صلاحیتوں اور وسیع تجربے سے اس اہم قومی ذمہ داری کو مؤثر انداز میں نبھائیں گے۔
