محفوظ خوراک کی فراہمی یقینی بنانے کے لیے وفاقی دارالحکومت میں اسلام آباد فوڈ اتھارٹی کی کارروائیاں مسلسل جاری ہیں، اس حوالے سے فوڈ اتھارٹی نے ماہ نومبر کی رپورٹ جاری کردی ۔
اسلام آباد: ڈپٹی ڈائریکٹر اسلام آباد فوڈ اتھارٹی کی سربراہی میں نومبر مہینے کے دوران 1ہزار 218 فوڈ پوائنٹس کی چیکنگ،، 3.68ملین کے جرمانے عائد کئے گئے،49فوڈ پوائنٹس سیل، 1085 نئے لائسنس جاری کئے گئے ۔
رپورٹ کے مطابق 17ہزار 170کلو ڈیری اشیاء، 379 لٹر بیورجز، 130کلو گوشت، 114کلو ایکسپائر اشیاء، 203 کلو ممنوعہ اجزاء تلف کئے گئے ۔
ڈپٹی ڈائریکٹر اسلام آباد فوڈ اتھارٹی ڈاکٹر طاہرہ صدیق کا کہنا ہے کہ مارکیٹ میں سپلائی ہونے والی اشیاء کے 15 سیمپل لیبارٹری ٹیسٹ کے لیے بھجوائے گئے ۔
انہوں نے کہا کہ 43شکایات کا بروقت ازالہ کرتے ہوئے کارروائیاں کی گئی، 540فوڈ پوائنٹس کو مزید بہتری کے لیے اصلاحی نوٹس بھی جاری کیے گئے ۔
ڈاکٹر طاہرہ صدیق کا کہنا تھا کہ غیر معیاری ممنوعہ اشیاء کی فروخت میں ملوث کاروبار کی ہرگز اجازت نہیں دی جائے گی،شہری اشیاء کی خرید سے قبل جانچ پڑتال یقینی بنائیں، منظور شدہ اشیاء استعمال کریں ۔
