ڈونلڈ ٹرمپ کے مشیر ایلون مسک نے اقوام متحدہ میں ایران کے مستقل مندوب امیر سعید ایراوانی سے ایک گھنٹے کی ملاقات کی ہے۔
امریکی میڈیا کے مطابق دونوں ممالک کی شخصیات کے درمیان کشیدگی ختم کرنے کے حوالے گفتگو ہوئی ہے۔ ایلون مسک اور امیر سعید ایراوانی کے درمیان ملاقات ایک گھنٹہ تک جاری رہی، یہ ملاقات ایک خفیہ مقام پر ہوئی جس کا پتا بائیڈن انتظامیہ کو بھی نہیں تھا۔ تاہم اقوام متحدہ میں ایرانی مشن نے اس ملاقات کی خبروں کی تردید کی ہے۔
ڈونلڈ ٹرمپ کے کمیونیکیشن ڈائریکٹر اسٹیون شیئنگ کا کہنا ہے کہ وہ ایسی نجی ملاقات پر کوئی تبصرہ نہیں کریں گے جو شاید نہ بھی ہوئی ہو۔
یاد رہے کہ ڈونلڈ ٹرمپ نے اپنے پہلے دور صدارت کے ایران پر مزید پابندیاں عائد کی تھیں۔
