حکومتی اور عسکری کاوشوں کے باعث ملکی معیشت بہتری کی جانب گامزن ہے۔ روپے کے مقابلے میں امریکی کرنسی زمین بوس ہونے لگی۔سٹاک مارکیٹ میں مثبت رحجان جاری ہے۔
کاروباری ہفتے کے پانچویں روز کے آغاز پر انٹر بینک میں روپے کی قدر میں اضافہ ہوا ہے ۔انٹر بینک میں ڈالر 8پیسے سستا ہونے کے بعد 279روپے 90پیسے میں فروخت ہورہا ہے۔گزشتہ روز کاروبار کے اختتام پر انٹر بینک میں امریکی کرنسی 279روپے 98پیسے پر بند ہوئی تھی۔جبکہ دوسری جانب پاکستان اسٹاک ایکسچینج میں آج کاروبار کا مثبت رجحان دیکھنے کو مل رہاہے ۔پاکستان اسٹاک ایکسچینج کا 100انڈیکس 498پوائنٹس کے اضافے سے 63ہزار 700پرکی سطح پر آگیاہے۔گزشتہ روز کاروبار کے اختتام پر انڈیکس 63ہزار 202پوائنٹس پر بند ہوا تھا۔
