پاکستان میں چین کے سفارتخا نہ نے میرٹ کم نیڈ اسکالرشپ کے چوتھے فیز کے تحت قراقرم انٹرنیشنل یونیورسٹی کو چار ملین روپے کا عطیہ دیا ہے ۔ شعبہ تعلقا ت عامہ کے آئی یو کے مطابق اسلام آباد میں چینی سفارتخانے کے پولیٹیکل اور پریس کونسلر وانگ شینگ جی نے کے آئی یو کو 40 لاکھ روپے کی ایمبیسیڈرل میرٹ-کم-نیڈ اسکالرشپ کا چیک جامعہ میں چائنہ اسٹڈی سینٹر کے ڈائریکٹر ڈاکٹر فقیر محمد کے حوالے کیا۔
اس اسکالرشپ سے کے آئی یو کے مین او ر تینوں سب کیمپسز کے طلباء کے لئے اعلیٰ تعلیم وتحقیق کے حصول کے لیے سہولت ملے گی۔وائس چانسلر نے کہاکہ عوامی جمہوریہ چین نے اس سے قبل بھی جامعہ قراقرم کے ساتھ تعلیم وتحقیق کے فروغ کے لیے تعاون کیاہے۔امید ہے کہ مستقبل میں بھی یہ تعاون جاری رہے گا۔
