مظفرآباد: ڈائریکٹر جنرل لوکل گورنمنٹ راجہ محمد فیاض کے لوکل گورنمنٹ کے ذیلی دفاتر کے اچانک معائنہ کے دوران غیر حاضر پائے جانے والے17 ملازمین کو معطل کر دیا گیا جبکہ 11 ملازمین کو معطلی کی سفارش کے ساتھ فائل سیکرٹری اور وزیر لوکل گورنمنٹ کو ارسال کر دی گئی۔
راجہ محمد فیاض نے اچانک مرکز گڑھی دوپٹہ اور مرکز ڈنہ کا معا ئنہ کیا اور پراجیکٹ منیجرز، اوورسیرز، کمیونٹی آرگنائزراور سیکرٹری یونین کونسل ہاسمیت زیادہ تر کلر یکل سٹاف غیر حاضرپائے گئے جس پر فوری ایکشن لیتے ہوئے غیر حاضر سٹاف کو معطل کرتے ہوئے انکوائری کے احکامات جاری کر دئیے۔
انہوں نے کہا کہ آئندہ چند روز میں دیگر اضلاع کے دفاتر کی حاضری بھی چیک کی جائیگی اور غیر حاضر ملازمین کے ساتھ کسی قسم کی رعایت نہیں کی جائیگی۔ملازمین کے غیر حاضر رہنے سے عوامی خدمت اور سرکاری امور کی انجام دہی متاثر ہوتی ہے اور عوام کو مشکلات پیش آتی ہیں۔اس لیے غیر حاضر ملازمین کسی رعایت کے حقدار نہیں ہیں۔
