پاکستانی اداکارہ انوشے اشرف نے حال ہی میں اہک شو میں بتایا کہ ترکش ڈرامے ارطغرل غازی کے معروف ترک اداکار انگین آلتان نے انہیں ویڈیو کال کی تھی لیکن وہ مصروفیت کے سبب اٹھا نہیں پائیں۔
میزبان نے اداکارہ سے کچھ دلچسپ سوال کیے۔ گفتگو کی دوران اداکارہ انوشے اشرف نے ایک انکشاف کیا کہ میرے ایک بہت اچھے دوست مراد استنبول میں رہتے ہیں اور وہ اداکار انگین آلتان کے اچھے دوست ہونے کے ساتھ ساتھ ان کے پڑوسی بھی ہیں، میں نے مراد سے درخواست کی کہ آپ ان سے میری بھی ایک ملاقات کروادیں یا میری بات کروادیں۔
انوشے اشرف کے مطابق مراد نے عید کے دن مجھے ارطغرل سے کال کروائی لیکن میڈیٹیشن کی کلاس میں مصروٖفیت کی وجہ سے کال ریسیو نہیں کرپائی اور جب میں نے اپنا سیل فون دیکھا تو مجھے ان کی کال اور ایک چھوٹی سی ویڈیو ملی جس میں انہوں نے مجھے ہیلو ہائے کے بعد بتایا تھا میں نے آپ کو کال کی تھی لیکن آپ نے ریسیو نہیں کی، مجھے وہ کال نہ اٹھانے کا بہت افسوس بھی رہا۔
اداکارہ کا مزید کہنا تھا کہ میں بھی اپنے بیرون ملک سے آئے دوستوں کو فواد خان اور ہمایوں سعید سے ملواتی ہوں۔
