پاک نیوزی لینڈ سیریز میں پاکستان کرکٹ ٹیم نے اوکلینڈ میں گزشتہ روز پریکٹس کی۔
نیوزی لینڈ کے شہر آکلینڈ میں پاکستانی کرکٹ ٹیم کے تمام کھلاڑیوں نے پریکٹس سیشن میں حصہ لیتے ہوئے 3 گھنٹے تک بیٹنگ، باولنگ اور فیلڈنگ کی پریکٹس کی۔
یاد رہے کہ پاک نیوزی لینڈ سیریز کا آغاز 12 جنوری کو آکلینڈ میں ہوگا، قومی کرکٹ ٹیم کے کچھ کھلاڑی گزشتہ روز آسٹریلیا سے نیوزی لینڈ پہنچے تھے ان کھلاڑیوں میں بابر اعظم، صائم ایوب، محمد رضوان، عامر جمال، شاہین آفریدی اور وسیم جونئیر شامل ہیں۔
تفصیلات میں یہ بات سامنے آئی ہے کہ پاکستان اسکواڈ میں شاہین شاہ آفریدی (کپتان)، عامر جمال، عباس آفریدی، اعظم خان، بابر اعظم، فخر زمان، حارث رؤف، حسیب اللہ، افتخار احمد، محمد نواز، محمد رضوان ، محمد وسیم جونیئر، صاحبزادہ فرحان، صائم ایوب، اسامہ میر اور زمان خان شامل ہیں۔
جبکہ نیوزی لینڈ اسکواڈ میں کین ولیمسن(کپتان)، ڈیون کونوے، فن ایلن، ٹم سیفرٹ، ڈیرل مچل، گلین فلپس، مارک چیپ مین، جوش کلارکسن، مچل سینٹنر، میٹ ہنری، ایش سودھی، ٹم ساؤتھی، لوکی فرگوسن، ایڈم ملنے، بین سیئرز شامل ہیں۔
