اسلام آبا دہائیکورٹ نے ڈپٹی کمشنرعرفان نوازمیمن کو 6 ماہ قید کی سزا سنا دی۔
اسلام آباد ہائی کورٹ کے جسٹس بابر ستار نے محفوظ فیصلہ سنا دیا۔ آئی جی اسلام آباد، ڈی سی اسلام آباد، ایس ایس پی آپریشنز اور ایس پی صدر عدالت میں پیش ہوئے۔فیصلے میں کہا گیا کہ ایم پی او آرڈرز میں اختیارات سے تجاوز پر ڈپٹی کمشنر اسلام آباد عرفان نواز میمن مس کنڈکٹ کے مرتکب قرار پائے ہیں۔ایس ایس پی آپریشنز جمیل ظفر کو بھی مس کنڈکٹ کا مرتکب قراردیا گیا جبکہ ڈپٹی کمشنر اسلام آباد پر ایک لاکھ روپے جرمانہ عائدکیا گیا ہے ۔
عدالت نے ایس ایس پی آپریشنز جمیل ظفر کو بھی ایک لاکھ روپے جرمانہ اورچار ماہ قید کی سزا سنائی۔ عدالت نے ایس ایچ او ناصر منظور کو دو ماہ قید کی سزا سنائی۔عدالت نے ایس پی صدر کوتوہین عدالت کیس میں بری کردیا۔عدالت نے فیصلے کی کاپی وزیراعظم پاکستان کو فراہم کرنے کی ہدایت کردی۔ اسلام آباد ہائیکورٹ نے حکم دیا کہ تیس دن میں اپیل میں سزا معطل نہ ہو تو گرفتار کیا جائے ۔دوسری جانب ڈپٹی کمشنر اسلام آباد عرفان نواز میمن نے توہین عدالت کیس کا فیصلہ انٹرا کورٹ میں چیلنج کرتے ہوئے استدعا کی کہ عدالت سنگل رکنی بینچ کا فیصلہ کالعدم قرار دے اور ڈپٹی کمشنر اسلام آباد کو بری کرے۔ ایس ایس پی آپریشنز ملک جمیل ظفر نے بھی سنگل رکنی بینچ کے فیصلے کے خلاف اپیل دائر کردی
