چاہت فتح علی خان نے کہا کہ شاید بشریٰ انصاری کو یہ لگتا ہے کہ میں ان کی جگہ لے رہا ہوں اسی وجہ سے وہ میرے خلاف منفی قسم کی گفتگو کررہی ہیں۔
ذرائع کے مطابق حال ہی میں اداکارہ بشریٰ انصاری کی طرف سے کی جانے والی تنقید بھر گفتتگو کا جواب دیتے ہوئے چاہت فتح علی خان نے کہا کہ مجھے یہ سمجھ نہیں آتا کہ بڑے گلوکار اور اب بشریٰ بی بی کیوں میرے بارے میں ہی باتیں کر رہے ہیں۔
ان کے مطابق جب بشریٰ انصاری نے کیرئیر کا آغاز شروع کیا تھا تب وہ بھی ایک مزاحیہ فنکارہ تھیں، وہ دوسرے لوگوں کی نقلیں اتارا کرتی تھیں،چاہت فتح علی خان نے بشریٰ انصاری کو یاد دلاتے ہوئے کہا کہ کیا باجی بشریٰ آپ کو یاد نہیں ہے؟ میں تو گانے گاتا ہوں اور ان کو لکھتا بھی خود ہوں، یہ ہی میری وجہ شہرت بنی ہے۔
اس کے ساتھ ہی چاہت فتح علی خان نے بشریٰ انصاری کو اپنے ساتھ گانا گانے کی پیشکش بھی کردی ہے۔چاہت فتح علی خان نے کہا کہ شاید بشریٰ انصاری کو یہ لگ رہا ہے کہ میں ان کی جگہ لے رہا ہوں،تو ایسا کچھ بھی نہیں ہے،جب میں بچہ تھا تب سے بشریٰ انصاری کام کررہی ہیں،میں نے تو ان کو بچپن سے دیکھا ہے،اللہ ان کو خوش رکھے، میں تو اپنے ساتھ اچھا کرنے والوں اور اپنے خلاف بولنے والوں سب کو دعائیں ہی دیتا ہوں۔
یاد رہے کہ بشریٰ انصاری نے چاہت فتح علی خان کے بارے میں بات کرتے ہوئے کہا تھا کہ مجھے تو لوگوں کی ذہنیت پر دکھ اور افسوس ہے، مجھے یہ سمجھ نہیں آتا کہ لوگ کس طرح کی چیزوں کو وائرل کرتے ہیں۔
بشریٰ انصاری نے کہا کہ یہ ایک ٹرینڈ ہے جو مجھے بالکل بھی سمجھ نہیں آتا، اس ٹرینڈ میں اور بھی بہت سے عجیب لوگ شامل ہیں جن کے نام مجھے نہیں آتے لیکن ان پر حیرت ہوتی ہے،اس طرح سے گانوں کا استحصال اور ظلم بالکل بھی برداشت نہیں کیا جاسکتا۔
