اسلام آباد: بلال اظہر کیانی نے کہا ہے کہ وزیراعظم پاکستان ملک کو ڈیجیٹل نیشن بنانے کے لیے دن رات محنت کر رہے ہیں۔
وزیر مملکت نے کہا کہ کیش لیس پاکستان وزیراعظم پاکستان کا وژن ہے، ملک تیزی سے کیش لیس اکانومی کی جانب بڑھ رہا ہے۔
بلال اظہر کیانی نے کہا کہ ڈیجیٹل اکانومی ملکی معیشت میں اہم کردار ادا کر رہی ہے۔
انہوں نے کہا کہ کیش لیس اکانومی کے فروغ اور ملکی ترقی کے لیے ہم سب کو مل کر کام کرنا ہوگا۔
بلال اظہر کیانی نے کہا کہ حکومت کی جانب سے کی جانے والی ہر ادائیگی ڈیجیٹل طریقے سے کرنے کا ہدف مقرر کیا گیا ہے۔
وزیر مملکت نے کہا کہ ہر شہری کو حکومت کو ادائیگی کرتے وقت نقد رقم کے ساتھ ساتھ ڈیجیٹل ادائیگی کی سہولت بھی میسر ہونی چاہیے۔
بلال اظہر کیانی نے کہا کہ شہریوں کی سہولت کے لیے ملک بھر میں کیو آر کوڈز نصب کیے جا رہے ہیں۔
