ایف آئی اے سائبر کرائم سرکل راولپنڈی کی بڑی کاروائی, سوشل میڈیا کے ذریعے خاتون کو ہراساں کرنے والا ملزم گرفتار کر لیا گیا۔
تفصیلات کے مطابق سوشل میڈیا کے ذریعے خاتون کو ہراساں کرنے والا ملزم گرفتار کر لیا گیا۔ ملزم عمران طاہر کو چھاپہ مار کاروائی میں قصور سے گرفتار کیا گیا۔ ملزم کے پاس متاثرہ خاتون کی قابل اعتراض تصاویر تھیں۔ملزم نے متاثرہ خاتون کی قابل اعتراض تصاویر وٹس ایپ پر شئیر کیں۔ ملزم مذکورہ تصاویر کی بنا پر متاثرہ خاتون کو بلیک میل ، ہراساں کرنے اور رقم کا مطالبہ کرنے میں ملوث رہا ۔ملزم نے متاثرہ خاتون کی تصاویر خاتون کے اہل خانہ سے بھی شئیر کیں۔ ملزم کے قبضے سے جرم میں استعمال ہونے والے موبائل فون اور دیگر ڈیوائسز برآمد کر لی گئیں۔ ترجمان ایف آئی اے کا کہنا ہے کہ ملزم کو گرفتار کر کے تفتیش کا آغاز کر دیا گیا ہے۔
