آزاد کشمیر میں عام انتخابات کیلئے امیدواروں کے کاغذات نامزدگی واپس لینے کا آج آخری دن ہے، 45 حلقوں کيلئے 1265 امیدواروں نے کاغذات نامزدگی جمع کروا لئے ہیں، وادی میں عام انتخابات کیلئے پولنگ 27 جولائی کو ہوگی ۔
مظفرآباد: ترجمان الیکشن کمیشن کے مطابق کہ آزاد کشمیر کے 33 حلقوں سے 1047، مہاجرین کے 12 حلقوں سے 218 امیدوار ہیں، جانچ پڑتال کے بعد مجموعی طور پر 41 کاغذات نامزدگی مسترد کیے گئے ہیں ۔
ترجمان نے بتایا کہ آج امیدواروں کے کاغذات نامزدگی واپسی لینے کا آخری دن ہے، امیدواروں کی حتمی فہرست 5 جولائی کو شائع کی جائے گی ۔
انہوں نے کہا کہ 6 جولائی کو امیدواروں کو انتخابی نشانات الاٹ کیے جائیں گے، 6 جولائی کو ہی انتخابی نشانات کے ساتھ امیدواروں کی حتمی فہرست بھی جاری کی جائے گی ۔
