اٹک پولیس کی کاروائی، اسلحہ کی نوک پر 34 لاکھ روپے لوٹنے والے خطرناک ڈکیت گرفتار کر لئے گئے۔دوران تفتیش لوٹی ہوئی رقم اور واردات میں استعمال ہونے والے اسلحے کو برآمد کرلیا گیا ہے۔
ڈکیتی کی یہ واردات تھانہ صدر حسن ابدال کی حدود میں پیش آئی جہاں برہان کے رہائشی اعزاز انجم نامی شخص جو بینک سے 35لاکھ روپےرقم لےکر گاڑی میں جارہا تھا کہ راستے میں گھات لگائے بیٹھے دو موٹر سائیکلوں پر سوارچار ڈاکووں نے اسلحہ کے زور پر زبردستی گاڑی کو روکا اور فائرنگ کرکے متاثرہ شہری کو زخمی کرنے کے بعد 35 لاکھ روپے لوٹ کر فرار ہوگئے۔واقعہ کی اطلاع ملتے ہی ایس۔ایچ۔او تھانہ صدر حسن ابدال کے زیر نگرانی خصوصی ٹیم تشکیل دی گئی جنہوں نےجدید ٹیکنالوجی کو بروئے کار لا کر ڈکیت گروہ کے 2 ملزمان محمد شفیق اور محمد اویس کو ٹریس کر کے گرفتار کر لیا ہے جن کے قبضہ سے لوٹی گئی رقم 35 لاکھ اور واردات میں استعمال ہونے والا اسلحہ بھی برآمد کرلیا گیا ہے۔
