صدر مسلم کانفرنس آزاد کشمیر سابق وزیر اعظم سردار عتیق احمد خان کی قیادت میں وادی نیلم میں کشمیر بنے گا پاکستان ریلی کا انعقاد کیا گیا۔
ریلی کا آغاز وادی نیلم کے داخلی مقام چلہانہ سے ہوا سیکڑوں گاڑیوں کے قافلے میں سابق وزیراعظم آزاد کشمیر سردار عتیق کو آٹھمقام پہنچایا گیا مختلف مقامات سے قافلے ریلی میں شامل ہوئے وادی نیلم کی فضاء کشمیر بننے گا پاکستان کے نعروں سے گونج اٹھی مسلم کانفرنس کے کارکنان نے جوش خروش سے خوب نعرے بازی کی ،ریلی کے شرکاء سے خطاب کرتے ہوئے سابق وزیر اعظم آزاد کشمیر سردار عتیق احمد خان کا کہنا تھا کہ ہندوستان پاکستان کو کمزور کرنے کی سازشیں کررہا ہے آزادکشمیر کے اندر نظریاتی افراتفری کو کسی صورت کامیاب نہیں ہونے دیں گے۔کشمیر بنے گا پاکستان کا نعرہ ہمارے ایمان کاحصہ ہے پاکستان کے استحکام اور دفاع کے لئیے مسلم کانفرنس روز اول سے کردار ادا کررہی ہے افواج پاکستان کے خلاف سازشیں کرنے والوں کا پیچھا کریں گے ۔
آزاد کشمیر کے عوام نے دفاع پاکستان کے لئے قربانیوں کی تاریخ رقم کی ہے۔ریلی کے دوران قومی ترانوں ملی نغموں کی گونج سنائی دیتی رہی۔
