اٹک: کراچی سے باجوڑ جانے والی مسافر بس حضرو کے قریب اسلام آباد پشاور موٹروے ایم ون پر غازی انٹر چینج کے قریب الٹنے سے ایک خاتون جاں بحق اور 25 مسافر زخمی ہو گئے ۔
ریسکیو اور پولیس کے مطابق اسلام آباد پشاور موٹر وے ایم ون پر غازی انٹرچینج کے قریب بارش کے باعث تیز رفتار بس الٹ گئی ۔
ریسکیو کے مطابق جس کے نتیجے میں ایک خاتون جاں بحق اور 25 مسافر زخمی ہوگئے۔ اطلاع ملنے پر ریسکیو کی چار ایمبولینسز اور ریسکیو وہیکل موقع پر پہنچیں ۔
ریسکیو اہلکاروں نے 14 زخمیوں کو موقع پر طبی امداد دی جبکہ 11 افراد کو تحصیل ہیڈ کوارٹر ہسپتال حسن ابدال منتقل کر دیا ۔
